17 ਸਾਲਾ ਪੰਜਾਬੀ ਨੌਜਵਾਨ ਆਰੀਅਨ ਸ਼ਰਮਾ ਦੀ ਆਸਟ੍ਰੇਲੀਆ ਅੰਡਰ-19 ਕ੍ਰਿਕਟ ਟੀਮ 'ਚ ਚੋਣ

ਪੰਜਾਬ ਦੇ ਗੜ੍ਹਸ਼ੰਕਰ ਨਾਲ ਜੁੜੇ ਇੱਕ ਨੌਜਵਾਨ ਨੇ ਕ੍ਰਿਕਟ ਦੀ ਦੁਨੀਆ ਵਿੱਚ ਵੱਡੀ ਕਾਮਯਾਬੀ ਹਾਸਲ ਕਰਕੇ ਪੰਜਾਬ ਦਾ ਮਾਣ ਵਧਾਇਆ ਹੈ। 17 ਸਾਲਾ ਆਰੀਅਨ ਸ਼ਰਮਾ ਨੂੰ ਆਸਟ੍ਰੇਲੀਆ ਦੀ ਅੰਡਰ-19 ਕ੍ਰਿਕਟ ਟੀਮ ਵਿੱਚ ਚੁਣਿਆ ਗਿਆ ਹੈ। ਆਰੀਅਨ ਸ਼ਰਮਾ ਇਸ ਮਾਣ-ਸੰਮਾਨ ਨੂੰ ਪ੍ਰਾਪਤ ਕਰਨ ਵਾਲਾ ਇਕੱਲਾ ਪੰਜਾਬੀ ਭਾਰਤੀ ਹੈ।

ਆਰੀਅਨ ਦਾ ਜਨਮ ਮੈਲਬੌਰਨ ਵਿੱਚ ਹੋਇਆ ਸੀ, ਜਿੱਥੇ ਉਸਦੇ ਪਿਤਾ ਰਮਨ ਸ਼ਰਮਾ ਕਾਰੋਬਾਰ ਕਰਦੇ ਹਨ ਅਤੇ ਮਾਤਾ ਸ਼ਰੂਤੀ ਸ਼ਰਮਾ ਵੀ ਰਹਿੰਦੀ ਹੈ। ਹਾਲਾਂਕਿ ਆਰੀਅਨ ਦਾ ਪਰਿਵਾਰ ਕਈ ਸਾਲਾਂ ਤੋਂ ਆਸਟ੍ਰੇਲੀਆ ਵਿੱਚ ਵੱਸਦਾ ਹੈ, ਪਰ ਉਸ ਦੀਆਂ ਜੜ੍ਹਾਂ ਗੜ੍ਹਸ਼ੰਕਰ ਨਾਲ ਗਹਿਰਾਈ ਨਾਲ ਜੁੜੀਆਂ ਹੋਈਆਂ ਹਨ।

ਇਸ ਵੱਡੀ ਉਪਲਬਧੀ ’ਤੇ ਗੜ੍ਹਸ਼ੰਕਰ ਵਿੱਚ ਰਹਿੰਦੇ ਆਰੀਅਨ ਦੇ ਦਾਦਾ ਸਮੇਤ ਸਾਰੇ ਰਿਸ਼ਤੇਦਾਰ ਬੇਹੱਦ ਖੁਸ਼ ਹਨ। ਪਿੰਡ ਵਿੱਚ ਲੋਕ ਇਕ-ਦੂਜੇ ਨੂੰ ਵਧਾਈਆਂ ਦੇ ਰਹੇ ਹਨ ਅਤੇ ਆਰੀਅਨ ਦੀ ਸਫਲਤਾ ’ਤੇ ਮਾਣ ਕਰ ਰਹੇ ਹਨ। ਪਿੰਡ ਦੇ ਨੌਜਵਾਨਾਂ ਲਈ ਆਰੀਅਨ ਪ੍ਰੇਰਣਾ ਦਾ ਸਰੋਤ ਬਣ ਗਿਆ ਹੈ।